SIMETRIA
2025-2026 ikasturteko 1. proiektua dugu hemen, oinarrizko trazadura geometrikoetatik abiatuta, irudi simetrikoak sortzea.
Nola berrerabil ditzakegu Ikastolan sortzen diren kartoi hondakinak geometrian oinarritutako arte-lanak sortzeko?
Ikas-egoeraren helburu nagusia geometrian oinarritutako arte-lanak sortzea da kartoiak berrerabiliz. Horretarako, Adierazpen Artsitikorako Hastapenak arloko edukiak aplikatu eta eredu eta baldintza batzuei jarraituko diegu. Lerro zuzenekin forma geometrikoetan oinarritutako irudi simetrikoak sortuko ditugu, MWM-ek egindako hurrengo irudietarako teknikan oinarrituta:
Hauek dira proiektuan landuko ditugun ikas-eduki nagusiak: proiektua gauzatzea urratsak era egokian jarraituz, Marrazketa Teknikoaren teknika desberdinak lantzea eta kolorea era egokian aplikatzea, irudietan era esanguratsuan landuz eta kolorearen ezaugarriak aplikatuz.
Hauek dira landuko ditugun edukiak proiektua prestatzeko:
-
Marrazketa Teknikoaren trazadurak: lerro zuzen paralelo eta perpendikularrak, segmentu baten erdibitzailea, angelu baten erdikaria, Thalesen teorema eta gehiago.
-
Oinarrizko forma geometrikoak: zirkuluak, triangeluak, paralelogramoak eta poligono erregularrak.
Trazadura geometriko hauek marrazten ikasten dugunean, hauetatik abiatuz simetrian oinarritutako irudi geometrikoak diseinatu, marraztu eta eraikiko ditugu, hau da, Geometriaren bidezko sormen prozesu amaitezin bati emango diogu hasiera.
Lehenbizi, lerro zuzen paraleloak eta perpendikularrak marratzen ikasiko dugu:
Nola banatu segmentu bat n zati berdinetan Thalesen teorema erabiliz:
Beheko dokumentuan, landuko ditugun Geometriaren oinarrizko trazadura guztiak ditugu:
Proiektuaren ebaluazioa
Behean proiektuaren ebaluazioari dagokien bi dokumentu nagusiak ditugu:
-
Ezkerrekoan, proiektuaren ebaluaziorako errubrika dugu.
-
Eskuinekoan, proiektuan zehar ebaluatuko ditugun atalak, konpetentzia moduan azalduta, eta hauen ehunekoak, Alexian agertuko zaizkigun bezala.
Bi dokumentuen arteko lotura eta harremana ikasgelan azalduko da.
Marraztea planifikatzea, antolatzea, ordenatzea, erlazionatzea eta kontrolatzea da.
Joseph Albers