KIROLARIAK MUGIMENDUAN
2023-2024 ikasturteko bigarren proiektua dugu hemen; kirolariak mugimenduan marraztu eta margotzearena. Proiektuaren helburua kirolariak euren kirola praktikatzen adieraztea izango da, eta horretarako, oinarrizko ikus-elementuak diren lerroak eta koloreetan oinarrituko gara. Bai lerro, bai koloreen ezaugarriak era egokian erabiliz gure irudiaren bitartez nahi dugun mezua adieraztea lortuko dugu.
Beheko dokumentuan, Kirolariak mugimenduan ikas-egoera dugu. Dokumentua zabaltzeko beheko irudiaren gainean klikatu:
Proiektuan zehar burutuko ditugun jardueren planifikazioa astetik astera ezagutzeko, hau da, proiektuaren planifikazioa deskargatzeko, beheko egutegiaren gainean klikatu:
Beheko infografiek eta hitz-multzoak gure proiektuan landuko ditugun ideia nagusiak azaltzen dikigute. Bertan agertzen diren kontzeptuak gure proiektua burutzeko ardatzak izango dira. Irudiak neurri handian ikusteko gainean klikatu. Ikusi eta ikasi!
Proiektuan landuko ditugun edukien aurkezpenak behean ditugu: Lerroa, oinarrizko ikus-elementua, lerroen ezaugarriak azaltzen dituena, eta Kolorearen teoria koloreen ezaugarriak eta erabilera egokia azaltzen dituena.
Beheko bideoak Kolorearen teoriari buruzko oinarrizko kontzeptuak azaltzen dizkigu:
Lerroen eta koloreen ezaugarriak ezagutu eta ulertu ondoren, irudietan nola aplikatzen diren jakiteko, aurreko ikasturteetan DBHko 3. mailako ikasleek egindako irudietan lerroen eta koloreen erabilera aztertuko dugu. Horretarako, beheko aurkezpena dugu:
Beheko bideoan A rhythm of lines, the new Audi A5 iragarkia dugu, lerroen eta koloreen ezaugarrietan oinarrituz egindako irudiak erabiltzen dituena. Ikusi eta ikasi!
Proiektuaren ebaluazioa
Behean proiektuaren ebaluazioari dagokien bi dokumentu nagusiak ditugu:
-
Ezkerrekoan, proiektuaren ebaluaziorako errubrika dugu.
-
Eskuinekoan, proiektuan zehar ebaluatuko ditugun atalak, konpetentzia moduan azalduta, eta hauen ehunekoak, Alexian agertuko zaizkigun bezala.
Bi dokumentuen arteko lotura eta harremana ikasgelan azalduko da.
Talentuak partidak irabazten ditu,
baina talde lanak eta inteligentziak txapelketak irabazten dituzte.
Michael Jordan