IKURRAK eta SEINALEAK
Proiektu honetan Ikastolako DBHko eraikinerako seinaletika eta Sakoma erakunderako ikurra sortuko ditugu. Proiektu honen helburua orain arte landu ditugun edukiak eta aurrerantzean landuko ditugunak bizitza errealean praktikan jartzea izango da.
Proiektuak bi atal izango ditu:
-
atala: PROIEKTUA PLANIFIKATZEA. Eraikineko eta Sakomako beharrizanei buruz informazioa bilatzea, interpretatzea, ebaluatzea eta landutako informazioan oinarrituta proiektua planifikatzea DBHko eraikinerako eta Sakoma erakunderako seinale eta ikur desberdinak diseinatzeko.
-
atala: SEINALEA DIGITALKI DISEINATU ETA SORTZEA. seinalea digitalki lantzeko irudia planifikatzea, lerroak, formak eta koloreak ikusleentzat eraginkorrak izan daitezen diseinatuz eta programa digitalaren ezaugarriak kontuan izanik seinaleen bitartez mezua era egokian adierazteko.
PROIEKTUAREN 1. atala: PROIEKTUA PLANIFIKATZEA
Proiektuan hurrengo gaiak eta edukiak landuko ditugu:
-
Irudiak modu geometriko-teknikoan adieraztea. Errealismotik abstrakziorantz.
-
Lerro zuzen eta arkuen arteko loturak eta ukitzaileak.
-
Ohiko marrazketa sistemak eta sistema digitalak. Marrazketarako programa informatikoak: Imagineer Technical eta Inkscape.
-
Irudiak testuinguru desberdinetarako diseinatu eta egokitzea. Informazioa helburu bezala duten irudiak: ikurrak, ikonoak, logoak eta seinaleak.
Gaiari buruzko hasierako informazioa artikulu honetan lortuko dugu: El arte de señalar el camino.
Proiektuan landuko ditugun eduki garrantzitsuak lerro zuzen eta arkuen arteko loturak eta ukitzaileak dira. Gai honi buruzko azalpena beheko aurkezpenean daukagu.
2011-2012 ikasturtean, DBHko 4. mailako Marrazketa Teknikoa arloan Euskal Alfabeto Ilustratua sortu genuen. Alfabetoko irudiak diseinatzeko lerro zuzen eta arkuen arteko loturak eta ukitzaileak aplikatu genituen. Behean egindako lanaren eredu batzuk ditugu. Irudiak neurri handian ikusteko gainean klikatu.
Proiektuaren 1. atalaren ebaluazioa
Behean proiektuaren ebaluazioari dagokion dokumentu nagusia dugu:
-
Proiektuan zehar ebaluatuko diren atalak, konpetentzia moduan azalduta, eta hauen ehunekoak, Alexian agertuko zaizkigun bezala.
PROIEKTUAREN 2. atala: SEINALEA DIGITALKI DISEINATU ETA SORTZEA
Irudiak modu geometriko-teknikoan eta lerro zuzen eta arkuen arteko loturak eta ukitzaileak aplikatuz adierazi ondoren, irudia digitalki deseinatu eta sortzea da proiektuaren atal honetan landuko dugun helburu nagusia.
Horretarako urrats hauek jarraituko ditugu:
-
Paperezko irudian lerro zuzen eta arkuen arteko loturak eta ukitzaileen baldintzak zehaztu.
-
Irudiaren argazkia iPadarekin egin eta Inkscape programarekin irudia digitalizatu.
-
Inkscape programarekin irudian lerro zuzen eta arkuak marraztu eta hauen arteko loturak eta ukitzaileak ongi adierazi.
-
DBHko eraikinerako sortzen ari garen ikurrak eta seinale guztiak estilo berekoak izan daitezen, irudi guztiak baldintza berean landu behar ditugu:
-
ARTXIBOAREN IZENDAPENA: AbizenaIzena_IRUDIARENIZENBURUA.svg
-
Artxiboa Driven gorde BETI. Bi formatutan: .svg eta .png formatuan esportatu.
-
FORMATUA.
-
IRUDIAREN NEURRIAK.
-
LERRO MOTAK: bat baino gehiago egongo dira, zabalagoak, estuagoak...
-
KOLOREAK.
-
XEHETASUNAK.
Proiektuaren 2. atalaren ebaluazioa
Behean proiektuaren ebaluazioari dagokion dokumentu nagusia dugu:
-
Proiektuan zehar ebaluatuko diren atalak, konpetentzia moduan azalduta, eta hauen ehunekoak, Alexian agertuko zaizkigun bezala.
Ona eta txarra ez dira diseinu grafikoan existitzen,
komunikazio eraginkorra edo ez eraginkorra baino ez dago.
Peter Bilak