AUTORRETRATU KUBISTA
2023-2024 ikasturteko lehenengo proiektua dugu hemen; norbera bere Autorretratu kubista marraztu eta margotzearena. Proiektuaren helburua bakoitzak bere burua estilo kubistan adieraztea eta aurkeztea izango da.
Beheko dokumentuan, Autorretratu kubista ikas-egoera azaltzen da. Ikas-egoeraren markoa, testuingurua eta abiapuntutik azken ekoizpenera azalduta. Dokumentuan bertan, ikas-egoeraren argudiaketa kurrikularra, landuko diren helburu didaktikoak, funtsezko konpetentziak, deskriptore operatiboak, konpetentzia espezifikoak, ebaluazio-irizpideak eta oinarrizko jakintzagaiak azaltzen dira. Ikas-egoeran aplikatuko den metodologia, antolakuntza, baliabideak eta jardueren sekuentzia laburra eta garatua ere azaltzen dira.
Dokumentua zabaltzeko beheko irudiaren gainean klikatu:
Beheko aurkezpenean, Kubismoaren historia, ezaugarriak eta kubismo estiloko irudiak egiteko modua azaltzen dira. Ikusi eta ikasi!
Kubismoari buruzko informazio gehiago, ondorengo bideoetan eta webgune honetan historia-arte/cubismo:
PORTAFOLIO DIGITALA
Proiektuaren 12. jarduera gure lanaren Portafolioa egitea da, hau da, hasierako planteamendua eta ideiatik hasita, azken emaitzaraino paperean egindako lanaren bilduma osatzea. Portafolioan oinarrituta, Portafolio digitala sortuko dugu, paperean egindako lanaren argazkiak egin eta editatu ondoren, portafolio digitala Keynote aplikazioan sortuz.
Ondoren, Portafolio digitala egiteko zortzi urratsen azalpena hiru modutan dugu:
1. Portafolio Digitala sortzeko azalpena:
-
Proiektuan zehar egindako lana; zirriborroak, zirriborroak anotazioekin, autoebaluazioa, zirriborroak hobekuntzekin eta azken emaitza kronologikoki ordenatu, dataren arabera.
-
Orrien argazkiak egin. Horretarako, bi gauza kontuan izan behar ditugu: argia (itzalak ebitatu) eta koadratzea (orriaren ertzak eta iPadaren pantailaren ertzak paraleloak).
-
Argazkiak editatu: orritik kanpo geratzen dena moztu eta orriaren formatua errespetatu.
-
Argazki guztiak ongi editatuta daudela gainbegiratu.
-
Showbietik Portafolioaren eredua Keynote formatuan deskargatu eta era egokian izendatu: PORTAFOLIOA_AbizenaIzena_taldea
-
Keynote formatuan gure portafolioaren aurkezpena sortu: artxiboa era egokian izendatu: PORTAFOLIOA_AbizenaIzena_taldea. 1. diapositiban gure izen-abizena idatzi, eta ondoren, argazkiak orden kronologikoan txertatu.
-
Portafolioa gainbegiratu.
-
Keynote artxiboa Showbiera bidali PDF formatuan eta ongi izendatuta.
2. Azalpena ilustrazioekin duen dokumentua, zabaltzeko beheko irudiaren gainean klikatu:
3. Portafolio digitala sortzeko azalpena bideo formatuan:
Proiektuaren ebaluazioa
Behean proiektuaren ebaluazioari dagokien bi dokumentu nagusiak ditugu:
-
Ezkerrekoan, proiektuaren ebaluaziorako errubrika dugu.
-
Eskuinekoan, proiektuan zehar ebaluatuko ditugun atalak, konpetentzia moduan azalduta, eta hauen ehunekoak, Alexian agertuko zaizkigun bezala.
Bi dokumentuen arteko lotura eta harremana ikasgelan azalduko da.
Kubismoa ez da abstrakzioa, inguratzen gaituen munduarekin zerikusia du, mundu konkretuarekin eta hor dagoenarekin.
David Hockney